Loša igra u drugom poluvremenu koštala je košarkaše Crvene zvezde poraza od Žalgirisa u Beogradu u meču 19. kola Evrolige – 70:76 (20:22, 18:16, 15:19, 17:19).Poslije egala u prvih 20 minuta igre (38:38) izabranici Dragana Šakote su na startu trećeg perioda napravili seriju od 7:0, ali su gosti uzvratili sa 11 uzastopnih poena i poslije toga nisu ispuštali vođstvo.
Nakon serije od 5:0 koju je litvanska ekipa napravila na startu posljednje četvrtine i otišla na “plus 9” ekipa crveno bijeli nije uspjela da se “vrati”, a ovaj neuspjeh udaljio ih je od plasmana u Top 8, mada još uvijek drže osmu poziciju.
Najefikasniji i jedini dvocifren u beogradskom timu bio je Lorenco Braun sa 14 poena, a na drugoj strani Lukas Lekavičijus je ubacio 17 poena.
